Խոսքերի հեղինակ` Ավետ Բարսեղյան Երաժշտության հեղինակ` Րաֆֆի Ալթունյան
Մեր սերն ունի իր ժամացույցը, Նոր կյանք սկսվեց ու ժամանակ: Ամեն վայրկյանը ապացույց է, Որ սիրելու ենք շարունակ: Մեր սերն ունի իր պատմությունը, Որ գնալով կխորանա: Անուն ունի երջանկությունը, Եվ իմ ու քո անունն է դա:
Դու սրտիս կրակն ես, Լուսավոր էակն ես իմ կյանքի, Դու անունն ես երկնքի: Երջանիկ լինելը քեզ սիրելն է, սիրելիս: Քեզ իմ յար ասեմ, իմ աշխարհ ասեմ, Ես ծնվել եմ, որ հենց քեզ սիրեմ:
(ԿՐԿՆԵՐԳ) Մեր սերն ամեն վայրկյան, րոպե ու ժամ Դառնում է կյանք, որին սրտերն են մեր արժան, Միակ իմ սիրո նոր ժամանակ: Մեր սերն ամենասերն է աշխարհում Հազար ու մի հեքիաթների գիշերներում, Այսպես, սերն այսպես է հենց լինում:
Առեղծված է սերը, Որ ստեղծված է, որ մենք հասկանանք, Թե ինչու՞ աշխարհ եկանք: Ես գտա իմ կեսը, Որ հոգուս այդպես էր պետք
Ապրելու համար, շնչելու համար, Անդադար քեզ սիրելու համար:
(ԿՐԿՆԵՐԳ) Մեր սերն ամեն վայրկյան, րոպե ու ժամ Դառնում է կյանք, որին սրտերն են մեր արժան, Միակ իմ սիրո նոր... Մեր սերն ամեն վայրկյան, րոպե ու ժամ Դառնում է կյանք, որին սրտերն են մեր արժան, Միակ իմ սիրո նոր ժամանակ: Մեր սերն ամենասերն է աշխարհում Հազար ու մի հեքիաթների գիշերներում, Այսպես, սերն այսպես է հենց լինում:
ԿԻՍՎԵՔ ԸՆԿԵՐՆԵՐԻ ՀԵՏ