ԳԼԽԱՎՈՐ » ՆՅՈՒԹԵՐ |
Վարդուհի Վարդանյան - Սև գիշեր (Երգի Բառերը)
Երաժշտության հեղինակ` Բագրատ Սևոնյան
Խոսքերի հեղինակ` Վահան Տերյան
Սև գիշեր և հուշեր, և խոհեր անհամար,
Մոռացված երազներ, շուշաններ թառամած,
Խնդություն հեռացած և անցած, և անդարձ,
Տրտմություն մենավոր, միաձայն, միալար,
Խնդություն հեռացած և անցած, և անդարձ,
Տրտմություն մենավոր, միաձայն, միալար:
Մշուշներն են սահում, սոսափում է ուռին:
Իմ օրեր անհատնում, անխնդուն և անտուն,
Ցնորքներ լուսավառ, ընդունայն, ապարդյուն,
Մոռացված է հավետ արևոտ ձեր ուղին:
Ցնորքներ լուսավառ, ընդունայն, ապարդյուն,
Մոռացված է հավետ արևոտ ձեր ուղին:
Սև խոհեր անսպառ, անհամար-անհամար,
Սև գիշեր և հուշեր, և հուշերդ ունայն,
Երազներ իմ անդարձ, ծաղիկներ իմ գարնան,
Ինչ կանչով ձեզ կանչեմ, ինչպես լամ ձեզ համար:
Երազներ իմ անդարձ, ծաղիկներ իմ գարնան,
Ինչ կանչով ձեզ կանչեմ, ինչպես լամ ձեզ համար:
Սև գիշեր և հուշեր, և խոհեր անհամար...