Ես` հասարակ մի մարդ Ձեզ կպատմեմ մի դարդ` Գուցե ձեզ էլ է հարազատ. Իմ ընկերները հին հեռացան Ու այս կյանքում եղան ցիրուցան Եվ ընթացքում ինձ ո՜նց մոռացան:
Մեկը ունի մանդատ, ու նիստերին Կիսատ քունը տանում է անընդհատ, Մյուսը փորձեց իրեն բիզնեսում. Ընտանիքին տարով չի տեսնում, Փողն իրենից շուտ է տուն հասնում:
(ԿՐԿՆԵՐԳ) Ա՜խ, բիզնեսմեն ու դեպուտատ Իմ ընկերներն էիք հարազատ, Ո՞նց ես հիմա ձեզ ետ բերեմ, Որ դուք նորից դառնաք ազատ: Գուցե պայծառ մի օր կգա, Ու կդառնամ ես նախագահ, Ու դուք սիրով ինձ մոտ կգաք, Ու հին բարևը ինձ կտաք:
Ա՜խ, բիզնեսմեն ու դեպուտատ Իմ ընկերներն էիք հարազատ, Ո՞նց ես հիմա ձեզ ետ բերեմ, Որ դուք նորից դառնաք ազատ: Գուցե պայծառ մի օր կգա, Ու կդառնամ ես նախագահ:
Ու՞ր ես կորել անհետ Իմ ընկեր թաղապետ, Լավ ասֆալտի ընտիր վարպետ: Իմ գործերով զբաղված նախարար Հասանելի չես դու ինձ համար, Սրտիս բյուջեն ճեղքեցիր, տարար:
Բարդ ու դժվար պաշտոն, Մի մեծ աստղով պագոն, Ի՛մ գեներալ միշտ զգաստ և զգոն: Օրդ ժամով հաշված է, ավա՜ղ, Ձայնագրություն, համերգ, հյուրախաղ Դու, ի՛մ երգիչ, կյանքն է քո մի խաղ:
(ԿՐԿՆԵՐԳ) Ա՜խ, թաղապետ ու նախարար, Իմ գեներալ աստղով, երգիչ, Ա՜խ, բիզնեսմեն ու դեպուտատ, Բախտը ժպտած ինձ էլ մի քիչ, Ու ես դարձել եմ նախագահ, Բայց ժամանակն է շատ ագահ, Հիմա վայրկյան չունեմ ազատ, Ընկերներիս հիշեմ հաթ-հաթ:
Ա՜խ, թաղապետ ու նախարար, Իմ գեներալ աստղով, երգիչ, Ա՜խ, բիզնեսմեն ու դեպուտատ, Բախտը ժպտած ինձ էլ մի քիչ, Ու ես դարձել եմ նախագահ, Բայց ժամանակն է շատ ագահ, Որ ձեզ հիշեմ հաթ-հաթ (2x):
ԿԻՍՎԵՔ ԸՆԿԵՐՆԵՐԻ ՀԵՏ