Գովազդ մեր կայքում
| ԳԼԽԱՎՈՐ » ՆՅՈՒԹԵՐ |
Հայ աստղեր - Կյանք միլիոն ու կես
- ՀԱՅԿԱԿԱՆ ԵՐԳԵՐ
- Ավելացրել է` Ադմինիստրատոր
- Օրը` 26.04.2013
- Դիտումներ` 11787
- Բեռնումներ` 754
- Տեգեր`
Հայ աստղեր - Կյանք միլիոն ու կես (Երգի Բառերը)
Խոսքերի հեղինակ` Ռ. Մխիթարյան 
Երաժշտության հեղինակ` Ա. Պարսամյան
Աչքերի խորքում վառվող մի հարց,
Հոգիներ կորած օրերի մեջ` անվերադարձ,
Եվ ձեռքեր, որ չեն գրկի, և աղոթք, որ չի փրկի,
Պարտք է ժամանակը ինձ ու քեզ կյանք`
Միլիոն ու կես:
Միլիոն ու կես անուն ու ջնջված ճակատագիր,
Միլիոն ու կես անտուն ու ժողովուրդ տարագիր,
Միլիոն ու կես արցունք հոսում են անտես,
Ամեն մեկիս մեջ կան սրտեր` միլիոն ու կես:
Միլիոն ու կես ուղի ու ավարտված ճանապարհ,
Միլիոն ու կես երբեք կյանքի չկոչված գաղափար,
Միլիոն ու կես աղոթք չլսվեցին,
Ասես ամեն մեկիս մեջ կան ձայներ` միլիոն ու կես:
Միլիոն ու կես երազ ու խորտակված հույսեր,
Միլիոն ու կես արև և խավարած լույսեր,
Միլիոն ու կես շուրթեր էլ չեն ժպտալու մեզ,
Ամեն մեկիս մեջ կա հոգի` միլիոն ու կես:
Միլիոն ու կես օջախ և ավերված վանքեր,
Միլիոն ու կես եղբայր, միլիոն ու կես ընկեր,
Միլիոն ու կես բռունցք ենք դառնում դու և ես,
Մենք վրեժի պատճառ ունենք, միլիոն ու կես:
Աչքերի խորքում վառվող մի հարց,
(Ոչ ոք չի մոռանա, ոչ ոք չի ների)
Հոգիներ կորած օրերի մեջ` անվերադարձ,
(Թեկուզ անցնի նույնիսկ միլիոն ու կես տարի)
Եվ ձեռքեր, որ չեն գրկի, և աղոթք, որ չի փրկի,
Պարտք է ժամանակը ինձ ու քեզ կյանք`
Միլիոն ու կես:
Միլիոն ու կես գարուն, որ չտեսան ամառ,
Միլիոն ու կես ծառեր, որ չդարձան անտառ,
Միլիոն ու կես բողբոջ չորացան:
Կարծես ամեն մեկիս մեջ արմատներ կան` միլիոն ու կես:
Միլիոն ու կես հետքեր` ճամփեքին անհետացած,
Միլիոն ու կես ձայներ` լռության մեջ խլացած,
Միլիոն ու կես վերքեր տանջում են և՛ ինձ, և՛ քեզ,
Ամեն մեկիս սրտին կան սպիեր` միլիոն ու կես:
Միլիոն ու կես հարցեր պատասխան չունեցան,
Միլիոն ու կես թևեր դեպի երկինք սլացան,
Միլիոն ու կես կյանքեր կորան վայրկյանի պես,
Ամեն մեկիս մեջ կա անցյալ` միլիոն ու կես:
Միլիոն ու կես անմեղ ու մեղավոր կիսալուսին,
Միլիոն ու կես հայացք` սպասող Աստծո լույսին,
Միլիոն ու կես բռունցք ենք դառնում դու և ես,
Մենք վրեժի պատճառ ունենք, միլիոն ու կես:
Աչքերի խորքում վառվող մի հարց,
(Ոչ ոք չի մոռանա, ոչ ոք չի ների)
Հոգիներ կորած օրերի մեջ` անվերադարձ,
(Թեկուզ անցնի նույնիսկ միլիոն ու կես տարի)
Եվ ձեռքեր, որ չեն գրկի, և աղոթք, որ չի փրկի,
Պարտք է ժամանակը ինձ ու քեզ կյանք`
Միլիոն ու կես:
Մենք այսօր նրանց հետ ենք` և՛ դու, և՛ ես,
Մենք մեզ զգում ենք 11 միլիոն ու կես:
Աչքերի խորքում վառվող մի հարց,
Հոգիներ կորած օրերի մեջ` անվերադարձ,
Եվ ձեռքեր, որ չեն գրկի, և աղոթք, որ չի փրկի,
Պարտք է ժամանակը ինձ ու քեզ կյանք`
Միլիոն ու կես: (2x)
ԿԻՍՎԵՔ ԸՆԿԵՐՆԵՐԻ ՀԵՏ
ՁԵԶ ԿԱՐՈՂ ԵՆ ՀԵՏԱՔՐՔՐԵԼ ՆԱԵՎ ՀԵՏԵՎՅԱԼ ՆՅՈՒԹԵՐԸ
0
Գովազդ մեր կայքում
